தேசிய இணைய பாதுகாப்பு அட்டவணை (NCSI) என்பது உலகளாவிய குறியீடாகும். இது இணைய அச்சுறுத்தல்களைத் தடுக்க மற்றும் இணைய சம்பவங்களை நிர்வகிக்க, நாடுகளின் தயார்நிலையை அளவிடுகின்றது. NCSI இன் சமீபத்திய தரவரிசைப்படி, 160 நாடுகளில் 98 வது நிலையில் (2019 ஆம் ஆண்டு) இருந்து இலங்கை 69 வது நிலையிற்கு (2021 ஆம் ஆண்டு) முன்னேறியுள்ளது. இது 29 நிலைகளின் முன்னேற்றமாகும்.
முதன்மையாக இந்த குறிப்பிடத்தக்க முன்னேற்றமானது பின்வரும் திறன் படிகளால் நிர்ணயிக்கபட்டுள்ளன
- • இணைய பாதுகாப்பு கொள்கை மேம்பாடு
- • கல்வி மற்றும் தொழில் முன்னேற்றம்
- • இணைய குற்றத்திற்கு எதிராக போராடுகின்ற, மற்றும்
- • இராணுவ இணைய செயல்பாட்டு திறன்.
தொழில்நுட்ப அமைச்சின் இயங்குகின்ற இலங்கை கணினி அவசர தயார்நிலை அணி நாட்டின் முதல் தகவல் மற்றும் இணைய பாதுகாப்பு வியூகத்தை (Cyber Security Strategy) செயல்படுத்துகிறது. மேலும், இது தொடர்பான நடவடிக்கைகள் மேம்பட்ட தரவரிசையில் குறிப்பிடத்தக்க பங்களிப்பை அளித்துள்ளன. பாடசாலை பாடத்திட்டங்களுக்கு தகவல் பாதுகாப்பை அறிமுகப்படுத்தியதன் மூலமும் பட்டதாரி நிலை பட்டப்படிப்புகளில் இணைய பாதுகாப்பு கல்வியின் மேம்பாடுகளினால் தரவரிசை முன்னேற்றத்திற்கு உதவியுள்ளன. மேலும், இராணுவ இணைய நடவடிக்கைகள் மற்றும் பயிற்சிகள் தொடர்பான நடவடிக்கைகள், அரசு ஆய்வாளர் துறையில் எண்ணியல் தடயவியல் ஆய்வகத்தை நிறுவுதல் ஆகியவை NCSI யில் இலங்கையின் தரத்தை உயர்த்துவதில் முக்கிய பங்கு வகித்துள்ளன.
திட்டமிடப்பட்ட இணைய பாதுகாப்பு சட்டம் (Cyber Security Act) மற்றும் தரவு பாதுகாப்பு சட்டம் (Data Protection Act) ஆகியவை இலங்கையின் தரவரிசையை மேலும் மேம்படுத்த உதவும். இணைய பாதுகாப்பு நிறுவனத்தை நிறுவுதல், onlinesafety.lk வலைய இணையத்தளத்தினை தொடங்குவது மற்றும் அரசாங்க நிறுவனங்களில் தகவல் பாதுகாப்பு வழிகாட்டுதல்களைப் வரிசைப்படுத்துதல் ஆகியவை NCSI இன் மேல்நிலை தரவரிசைக்கு வழிவகுக்கும்.
NCSI இன் தரவரிசை எஸ்டோனியாவின் மின்னணு ஆளுகை கலைக்கூடத்தினால் நடத்தப்பட்டுள்ளது. NCSI தொடர்பான மேலதிக தகவலை, பார்வையிட https://ncsi.ega.ee/ அணுகவும்.