RFC 2350 ට අනුකූලව ශ්‍රී ලංකා CERT | CC පිළිබඳ විස්තරයක් මෙම ලේඛනයේ අඩංගු වේ. එය ශ්‍රී ලංකා CERT | CC, එහි සන්නිවේදන මාර්ගයන්, එහි කාර්යභාරයන් සහ වගකීම් ඇතුළුව සපයනු ලබන සේවාවන් පිළිබඳ මූලික තොරතුරු ඉදිරිපත් කෙරේ.
22-09-2020 දින - 1.6 අනුවාදය
මෙම වෙබ් අඩවියේ යාවත්කාලීන ලේඛනය ලබා ගත හැකිය. ශ්‍රී ලංකා CERT | CC හි කළමනාකරණය විසින් ඊමේල් හරහා නවතම යාවත්කාලීන කිරීම් දැනුම් දීම සිදුකරුණු ලබයි.
මාතෘකාව: “ශ්‍රී ලංකාව සඳහා RFC 2350 විස්තරය CERT | CC”
අනුවාදය: 1.6
ලේඛන දිනය: 22-09-2020
කල් ඉකුත්වීම: පසු සංස්කරණයක් නිකුත් කරන තෙක් මෙම ලේඛනය වලංගු වේ.
ශ්‍රී ලංකා CERT | CC, ශ්‍රී ලංකා පරිගණක හදිසි ප්‍රතිචාර සංසදය | සම්බන්ධීකරණ මධ්‍යස්ථානය
කාමරය අංක 4-112
BMICH (බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාව)
බෞද්ධාලෝක මාවත
කොළඹ 07
ශ්‍රී ලංකාව
කාල කලාපය: ඉන්දියාවේ සම්මත වේලාව (GMT + 0530)
+94 11 2 691 692
+94 11 2 679 888
+94 11 2 691 064
LinkedIn: www.linkedin.com
Facebook: www.facebook.com
සාමාන්‍ය තැපැල් ලිපිනය: cert@cert.gov.lk. විද්‍යුත් තැපැල් සදහා උදෑසන 08.30 සිට පස්වරු 05.30 දක්වා ප්‍රතිචාර දක්වනු ඇත.
report@cert.gov.lk විද්‍යුත් තැපෑල භාවිතා කරමින් Facebook සහ අනෙකුත් සමාජ ජාලයන්ට අදාල ආරක්ෂණ සිදුවීම් වාර්තා කළ හැකිය. ඊමේල් වලට ප්‍රතිචාර දැක්වෙන්නේ උදෑසන 08.30 සිට පස්වරු 05.30 දක්වා ය.
incidents@cert.gov.lk භාවිතා කරමින් සයිබර් ආරක්ෂාව සම්බන්ධ වෙනත් සිදුවීම් වාර්තා කළ හැකිය. මෙම විද්‍යුත් තැපැලයන් සදහා දවසේ පැය 24 පුරාවටම ප්‍රතිචාර දක්වනු ලබයි.
PGP ඇඟිලි මුද්‍රණය: CE87 E1DE E008 3D45 261C 526F ABBA 8C78 26AC 7385
පොදු යතුර බොහෝ යතුරු සේවාදායකයන්ගෙන් මෙන්ම සහ මෙම සබැඳිය මගින්ද සොයාගත හැකිය
.
ශ්‍රී ලංකා CERT | CC හි ප්‍රධාන විධායක නිලධාරී එයාර් කොමදෝරු (විශ්‍රාමික) ජයසිරි අමරසේන මහතා වන අතර අනෙකුත් කණ්ඩායම් සාමාජිකයන් පිළිබඳ තොරතුරු ඉල්ලීම අනුව ලබා ගත හැකිය.
සාමාන්‍ය විමසීම් සඳහා ශ්‍රී ලංකා CERT | CC හා සම්බන්ධ වීමට වඩාත් නිර්දේශිත සන්නිවේදන මාධ්‍ය වන්නේ විද්‍යුත් තැපෑලයි. ෆැක්ස් යන්ත්‍රය හරහා ලැබෙන පණිවිඩ සාමාන්‍ය කාර්යාල වේලාවන් තුළ පමණක් පරීක්ෂා කරනු ලැබේ (නිශ්චිතව දක්වා ඇති ස්ථානයෙන් ලබා ගත හැකිය 2.7).
ක්‍රියාත්මක වන දින / පැය: උදෑසන 08:30 සිට පස්වරු 05:30 අතර කාලය තුල, සඳුදා සිට සිකුරාදා දක්වා. හදිසි අවස්ථාවකදී කාර්යාල වේලාවෙන් පිටත ක්‍රියාත්මක වන අතර 2.7 හි සඳහන් පරිදි සම්බන්ද විය හැක.
ශ්‍රී ලංකා CERT | CC හි සේවා ලබාදීමේ වපසරිය වන්නේ මූලික වශයෙන් රාජ්‍ය අංශය, පෞද්ගලික අංශය සහ සාමාන්‍ය ජනතාව ඇතුළු සමස්ත ශ්‍රී ලංකාවයි.
ශ්‍රී ලංකා CERT | CC සම්පූර්ණයෙන්ම ශ්‍රී ලංකා රජයේ අනුබද්ද ආයතනයක් වන අතර එය තාක්ෂණ අමත්ත්‍යංශය යටතේ පරිපාලනය වේ. .
ශ්‍රී ලංකාවේ තොරතුරු හා සන්නිවේදන තාක්ෂණ නියෝජිතායතනය (ICTA) විසින් 2006 දී ශ්‍රී ලංකාවේ ජාතික CERT | CC ලෙස මෙම ආයතනය ස්ථාපිත කරන ලද අතර එය පෞද්ගලික සීමිත වගකීම් සමාගමක් ලෙස ලියාපදිංචි වී ඇත. 2020 සැප්තැම්බර් මාසයේ සිට එය ක්‍රියාත්මක වන්නේ තාක්ෂණ අමාත්‍යංශය යටතේ ය.
අපගේ සේවාවන් ලබාදෙනුයේ හුදෙක්ම සයිබර් ආරක්ෂක සිදුවීම් උදෙසා පමණක්ම වන අතර සයිබර් අපරාධ වලට අදාල සිදුවීම් සදහා සේවාවන් ලබාදීම සිදුකරනු නොලබයි. සයිබර් ආරක්ෂණ සිදුවීම් වර්ග, ශ්‍රී ලංකා CERT | CC විසින් ලබා දෙන සේවාවන්හි ආධාරක මට්ටම සහ සිදුවීම් හැසිරවීමේ ක්‍රියාපටිපාටිය මෙහි දක්වා ඇත (5.1).
ශ්‍රී ලංකා Sri Lanka CERT | CC රාජ්‍ය ආයතන, නීති බලාත්මක කිරීමේ බලධාරීන්, ජාතික ළමා ආරක්ෂක අධිකාරිය, කාන්තා හා ළමා කටයුතු අමාත්‍යාංශය සහ තොරතුරු ආරක්ෂණ ක්‍ෂේත්‍රයේ අනෙකුත් අදාළ සංවිධාන සමඟ සහයෝගයෙන් කටයුතු කරනු ලබයි.
ශ්‍රී ලංකා CERT | CC විසින් ඉදිරිපත් කරන ලද සියලුම තොරතුරු සෑම විටම රහස්‍ය ලෙස සලකන අතර එසේ කිරීම අත්‍යවශ්‍ය නම් මිස තෙවන පාර්ශවයන්ට අනාවරණය නොකරනු ඇත.
ආරක්ෂිත සන්නිවේදනය සඳහා cert@cert.gov.lk වෙත ගුප්ත කේතනය කරන ලද ඊමේල් යැවීමට (2.8) හි දක්වා ඇති PGP යතුර භාවිතා කරන්න.
ශ්‍රී ලංකා CERT | CC විසින් සියලු ආකාරයේ සයිබර් ආරක්ෂණ සිදුවීම් සදහා ප්‍රමුඛතාවය ලබා දෙන අතර නිර්වචනය කිරීම, තක්සේරු කිරීම සිදු කරනු ලබයි. මෙම සේවාවට ඇතුළත් වන්නේ ලබාදෙන සේවාවන්හි රහස්‍යභාවය, අඛණ්ඩතාව කෙරෙහි බලපාන සාමාන්‍ය නොවන සිදුවීමක් වී ඇති බවට යම් කිසි ආයතනයක් විසින් කරන ලද ඉල්ලීමකට හෝ දැනුම් දීමකට ප්‍රතිචාර දැක්වීමෙනි. ශ්‍රී ලංකා CERT | CC ආයතනය විසින් පහත සදහන් සිදුවීම් කළමනාකරණය ක්‍රමවේදය භාවිතා කරමින් තාක්ෂණික සහාය හෝ උපදෙස් ලබා දෙනු ඇත.
ශ්‍රී ලංකා CERT | CC විසින් රජයේ සහ පෞද්ගලික ආයතන සඳහා ඩිජිටල් අධිකරණ වෝහාරික පරීක්ෂණ සිදුකරනු ලැබේ. ශ්‍රී ලංකා CERT | CC යනු 2006 අංක 30 දරණ ගෙවීම් උපාංග වංචා පනතේ විශේෂඥ මණ්ඩලයේ සාමාජිකයෙකි.
මෙම සේවාවන් සදහා ඇතුලත් වන්නේ, තාක්ෂණික සංවර්ධනයන් පිළිබඳව යාවත් කාලීන වීම්, සයිබර් ආරක්ෂණ අනතුරු අගවීම්, සම්මන්ත්‍රණ සහ වැඩමුළු පැවැත්වීම වන අතර ශ්‍රී ලංකා CERT | CC හි නිල වෙබ් අඩවිය සහ සමාජ මාධ්‍ය තුලින් දැනුවත් කිරීම් සිදුකෙරේ.
රටේ සයිබර් ආරක්ෂණ සුදානම ඉහල නැංවීම සඳහා ජාතික මට්ටමේ උපායමාර්ග සහ ප්‍රතිපත්ති සංවර්ධනය කිරීම මෙම සේවාවේ අරමුණයි.
මෙම සේවාවන් සදහා ඇතුලත් වන්නේ වෙබ් අඩවි / පද්ධති සහ පරිගණක ජාල වල තොරතුරු තාක්ෂණ දුර්වලතා තක්සේරු කිරීම් සහ විනිවිද යාමේ පරීක්ෂණ සිදුකිරීම වන අතර ඒ සම්බන්ධයෙන් රාජ්‍ය ආයතනයන් සදහා උපදේශන සේවාවන් ලබාදීමද සිදුකරනු ලබයි.
සයිබර් ආරක්ෂණ බිඳ වැටීමේ සිදුවීම් වාර්තා කිරීමේ ආකෘති පත්‍රය මෙහි සොයාගත හැකිය..
ශ්‍රී ලංකා CERT | CC විසින් තොරතුරු, දැනුම්දීම් සහ ඇඟවීම් සකස් කිරීමේදී සෑම පූර්වාරක්ෂාවක්ම ගනු ඇති අතර ඒ සම්බන්දයෙන් සිදුවන දෝෂ, මග හැරීම් හෝ එහි අඩංගු තොරතුරු භාවිතා කිරීමෙන් සිදුවන හානින් සම්බන්ධයෙන් කිසිදු වගකීමක් නොගනී.